M's Kitchen: 自組包團@順德 2017暑假兒童團---Day 1 Snoopy Fun Fun Garden

史努比繽紛世界

今次自己組團，大人＋小朋友一共37人，齊齊出發去順德3天玩玩玩，難得夾到一大班差唔多大既小朋友一齊去旅行，係非常熱鬧及好玩，自己包團，行程點改都得，雖然去既地點都係每日一個為主，食飯時間當然要玩到盡先慢慢食，所有時間都可以自由選擇

基於粉絲爸唔太喜歡帶太細既小朋友返內地，所以我地近呢兩年先開始帶粉絲仔返大陸玩，對上一次係自己去珠海長隆玩

由於今次包團可以係香港出發，集合地點係灣仔直接去深圳灣，過關後便上旅遊巴直接到順德

由8點係灣仔上車到順德已經1點，因為在深圳灣這段路有點塞車，所以比預期遲

食完豐富午餐(其實餐餐都好多餸，可能小朋友多，每餐都多到食唔哂)，便出發去Snoopy Fun Fun Garden 玩，由3點玩到6點

Snoopy迷一定好開心，可以影好多相

室內有冷氣玩呢個running man 波波池唔錯架，我地始終係暑假去，室外嘅氣溫真係非常炎熱

其實係呢度夾公仔，我覺得比較易，我地成功夾咗2隻公仔呀，超級有成功感，因為去好多次旅行都夾唔到公仔，反而今次成功

入面唔多人，地方唔係好大，排隊大約5分鐘到，我地玩咗3小時都差不多玩哂所有設施，入面好岩小朋友玩

未見過兩層高嘅旋轉木馬，天氣太熱其實去咗玩嘅地方都冇影相呀

我哋人多到包晒成個影院，呢個5D影院係過山車，小朋友玩得好刺激，我反而覺得最重要係可以有一個地方有冷氣又可以坐低休息

小朋友就係去到邊個主題公園，就會自自然然喜歡當地的主題主角

返到酒店當然同新寵瞓覺喇

今日呢個旅行團，最出名係食，所以每一餐都非常豐富，仲好好味，大人陪小朋友放完電，都要補充番體力，係不停食....

午餐

晚餐

想睇我最新分享，可以去我Facebook Fans Page

仲要記得Like先可以keep住睇到我每一個post呀～

M's Kitchen