東京道具街---合羽橋道具街@2018

去到邊都愛睇烘焙、廚房及超市

如果你好喜歡廚房用品或者烘焙，一定有聽過東京這條道具街

今次難得可以一個人靜靜咁行，幾年前已經想去，不過帶住粉絲仔一定冇今次一個人行得咁暢快，這次自己一個慢慢行，不經不覺行咗5小時，連午飯都沒有吃，連自己都覺得自己非常利害

首先講吓呢個道具街，係位於田原町，如果你同我一樣住新宿，可以由新宿搭丸之內地鐵，再轉銀座線，大概40分鐘就到，落車從3號出口上樓梯，然後反轉頭行，再轉右行會見到郵局，之後一直向前行就會見到呢個大廚師

                                                    落車從3號出口上樓梯

                                                 然後反轉頭行，再轉右行會見到郵局

                                                   一直向前行就會見到呢個大廚師

 

道具街只有一條直路，店舖分開兩邊，如果你冇時間慢慢行，大廚師那邊店舖相比下，我會建議行茶杯這邊的店舖，因為網上好多人介紹出名的幾間店舖，都係茶杯這邊的，而我買得最多東西，尤其是千代田模具、淺井戚風模，店舖都係在茶杯這邊

                                 這間店舖全部係清潔用的刷，手工精美，有些款又好少見，值得一行

                  這間店舖亦都係網上很多人介紹一定要去行的，因為入邊可以搵到千代田模具

                                                         包括大熱嘅檸檬模、栗子模

                                  而我就被這個櫻花模深深吸引著，一定要帶佢返香港

                                                           記得認住呢間舖名呀

這一間舖就係可以搵到淺井戚風模，及好多不同嘅烘培用品，我買得太開心，忘記影店舖呀

這一卷烘焙墊是日本製，耐高溫，可以墊到兩個水波路的盤還有多，我經常焗麵包焗屋企又唔想用大量即棄牛油紙，所以必買的

                                        唔怕重，而行李有有位，可以買這個差麵團板

                                                 這個發酵布有大有細做麵包嘅我必備

這間買筷子的，入邊有小朋友筷子，又有啲好特別嘅筷子，我好喜歡買筷子所以睇得好開心

這間買日本懷舊零食及玩意的店舖都是在茶杯這邊的，因為行到已經有點餓，所以入了這間店舖找零食，原來入邊有好多很特別的玩具

好了，終於行完整整一條街，可以過馬路，行廚師的另一邊街，不過已經實在太攰了，所以沒有再影相，但要提一提大家記得這一間退稅，不過不是每一間鋪頭都可以做到退稅，大家只要把單據全部keep起，交給服務員，他們會幫你分開退稅的單據

這個退稅店位置，是在廚師那一邊的尾段，唯一唔好處就係我要行完整條廚師這一邊街，再掉頭行返去退稅，因為確保自己買晒所有東西，才一次過做退稅呀，所以我又重複行了這邊廚師街

*當日是星期二大約下午三點，沒有人在退稅，很快便完成

另外我也有分享超市的好去處

如果有興趣睇可以去以下連結

東京超好行超市@2018

想睇我最新分享，可以去我Facebook Fans Page

M's Kitchen 親子入廚小天地

仲要記得Like先可以keep住睇到我每一個post呀～