台北宜蘭親子2017暑假遊---Day3 木柵動物園/貓空纜車/E7play/士林夜市

~Day3 木柵動物園/貓空纜車/E7play/士林夜市

話咁快又到左台北最後一日，仍然係酒店食完早餐就出發。

今日天氣好好，去到動物園應該會好熱，所以帶齊防曬防蚊及風扇散熱既準備

7日行程文字版可到以下連結
台北宜蘭親子2017暑假7天遊---3日台北4日宜蘭行---程編排

搭捷運去到動物園站落車就係木柵動物園

記得增值悠遊卡，因為動物園入場、搭動物園入邊嘅小火車以及貓空纜車都可以用悠遊卡

{木柵動物園}

今日天氣真係非常熱

粉絲仔好多地方都唔駛比入場費(包括搭捷運都唔使買車票)

第一時間去攞返張地圖

呢度就係排小火車嘅地方

小火車落車嘅地方，就係有另一個小火車可以搭去貓空站架

睇完大笨象發覺唔對路.....天氣實在太熱，剛巧又係中午時候，所以搵冷氣地方過一過冷河

我哋先到去爬蟲動物館過冷河

然後去企鵝館過冷河

之後就搭小火車去---動物園南站坐貓空纜車

小火車落車嘅地方就係動物園南站

貓空纜車全程15分鐘

到咗山頂之後，聽到廣播話因天氣問題將會停駛，之後就開始見到天色轉暗....

快快趣喺附近搵個地方坐低食嘢，之後就........

行雷、閃電、落大雨呀.......

喺山頂聽到嘅雷聲真係非常恐怖

食完飯，雨又落唔停，之後見到貓空的士叫人上車，我哋就坐左架七人車連埋其他乘客一齊落山，落山期間仲見到閃電係的士側邊擦身而過，非常恐怖

送咗嫲嫲返酒店後，我地三人行再出去玩，粉絲仔成日見到台灣迷你兵3，叫做神偷奶爸，自己改名叫佢做-神偷奶茶^^

我地下午去咗E7play玩，因為原本打算動物園加貓空玩足一日，但遇着落大雨所以下午節目改為去呢度室內玩

E7play係一個室內嘅遊戲中心，大人小朋友都啱玩，如果因天雨關係要改行程，可以喺玩度Hea 3個鐘架

E7play係---台北橋站

出到地面轉右直行

見到呢間85度咖啡店路口轉右

之後一直行

見到呢個綠色保齡球就到了

{E7play}

一共有三層高

我覺得呢個釣魚遊戲好好玩

除咗有大人玩嘅遊戲機，亦有好多啱小朋友玩嘅遊戲機架

二層都有保齡球

玩到攰入邊都有小食，我地玩咗3個鐘，差不多7點半

{士林夜市}

之後我哋去咗士林夜市，對於粉絲仔黎講，夜市唔係好多野食既地方，而係好多遊戲玩既地方^^

忍唔住終於要出手...玩啦 > <

其實夜市啲嘢食唔係好啱粉絲仔食，最終我哋都係去便利店買咗個叮叮飯，我同粉絲爸陪佢一齊喺酒店食飯，但係已經係晚上10點 > <

我哋嘅行程會越嚟越豐富，記得繼續睇呀~

Day4 包車宜蘭/蔥仔寮體驗農場/蜡藝彩繪館/宜蘭餅發明館/中冠溫泉飯店

Day5 蘭城晶英酒店/家樂福/紅樓櫻桃鴨

Day 6 莎貝莉娜印章diy/積木博物館/宜農牧場/童趣樂園民宿

Day 7 橘之鄉蜜餞/亞典蛋糕密碼/窯烤山寨村

 如果想重溫Day1-2 可以在下面連結直入
Day 1 洛基飯店忠孝館/Lego 餐廳/Hello Kitty火鍋

Day2 平溪/十分/Sogo復興/24小時家樂福


想睇我最新分享，可以去我Facebook Fans Page

M's Kitchen 親子入廚小天地

仲要記得Like先可以keep住睇到我每一個post呀～