M's Kitchen: 曼谷Grande Centre Point Hotel Ratchadamn & DIORA Spa

2017年5月10日星期三

自從粉絲仔出世後，都冇去過泰國了，主要是去日本，因為好多啱小朋友嘅地方，又乾淨，所以今次都係二人行黎曼谷

這間Grande Centre Point Hotel Ratchadamn(曼谷拉查丹利中心洒店)經朋友介紹下入住的，因為近四面佛，地點非常方便

除了洒店分享，我另外寫了超市、廚具、化妝品，連結拉到在最下面👇🏻👇🏻

就在相中直望的路一直行5分鐘轉左行入去便到，如果好似我喜歡shop超市，住這裡非常方便，唔駛搭車行路便可以到，要知道shop超市真係兩隻手都攞唔哂啦....我在另一個post有介紹我行路都去到的幾間超市，連Big C都係行一條直路便到

有個好大嘅open kitchen，內有洗衣機，但廚具不齊全，除咗有電爐，只有微波爐，如果要下處都幾難，不過我地住四日，只是relax一下，都唔會落廚啦

有好大個雪櫃，可以去超市入定貨，飲品、甜品、雪糕...

浴室唔記得影相，入邊都好大，應該同睡房一樣大，有企光及浴缸，值得一讚就係座廁，廁板係自動清洗功能嗰隻及暖暖的，坐上去非常舒服

哈哈..張床擺咗個泰式毛巾sweet裝飾，我相信係老公request

如果留意到前幾張相，應該見到客廳有一束玫瑰花

故事由20年前開始...我同老公喺曼谷邂逅架，所以今年返曼谷慶祝一下

20周年20支玫瑰花，酒店訂，做老婆開心完當然問下幾錢，問咗好耐，先問到，原來這束20支紅玫瑰係3500泰幣，返香港朋友講先知，紅玫瑰係泰國好難有

房入夜景

一早起來就看到美麗既馬場景

我地每朝游水之後，就分開入去焗桑拿先上房沖涼，入面有兩個桑拿，有濕有乾，有暖水按摩池(戶外泳池都有架)

泳池水深到心口位置，旁邊有個淺水俾小朋友的

這個就是之前講嘅桑拿房，出邊仲有健身房，有時間可以操fit一下

至於spa泰國多的是，不過呢間勝在近Centre個supermarket，所以我地行完supermarket去做Spa

除咗烘焙廚具分享，我另外寫了

想睇我最新分享，可以去我Facebook Fans Page
M's Kitchen 親子入廚小天地

仲要記得Like先可以keep住睇到我每一個post呀～

M's Kitchen-親子入廚小天地